Инсон сонларни чапдан ўнгга қараб санайди. Олимларнинг аниқлашича, жўжалар ҳам саноқни худди шу тарзда амалга оширади. Ушбу тадқиқот натижалари Science журналида эълон қилинди, деб ёзади «Vse42.ru».
Жўжалар санашни билмаса-да, улар объектлар гуруҳини сонига қараб ажрата олади.
Италиянинг Падуа университети мутахассислари буни қуйидаги усул ёрдамида аниқлади: улар жўжаларга турли сондаги нуқталардан иборат карточкаларни кўрсатди, улардаги нуқталардан бири ортида чувалчанг яширинган эди. Дастлаб жўжаларга бешта нуқта ва чувалчанг акс этган карточкани, сўнг иккита нуқтадан иборат карточкани кўрсатишди.
Тадқиқотчилар хулоса қилишича, рақамлар қатори фақат узоқ таълим олиш натижасида пайдо бўлмайди: у кўп миллион йил аввал содир бўлган эволюция жараёнида шаклланган туғма хусусиятдир.
Бундай жойлашиш тартиби жўжаларга улар туғилганидан маълум бўлади. Рақамлар қаторини идрок қилиш қушлар ва сут эмизувчилар синфларида мия асимметрияси умумий тамойилидан келиб чиқиши тахмин этилмоқда.
Баъзи олимлар буни диққатни жамлашдаги кичик силжиш билан боғлайди: одамлар кўриш майдонининг чап томонидаги объектларни кўпроқ эътибор билан кузатади, шунинг учун ҳам санашни чап томондан бошлайди.
Изоҳ (0)