Toshkent−Moskva samolyoti Samarada majburan qo‘nishni amalga oshirdi

Toshkentdan Moskvaga uchayotgan UTair aviakompaniyasiga qarashli samolyot yo‘lovchilardan biri o‘zini yomon his qilgani uchun Samarada majburiy qo‘nishni amalga oshirdi, deb xabar bermoqda “TASS”.

“Yo‘lovchi reysdan olinib, Samaradagi shifoxonalardan biriga yetkazildi. Samolyot esa Moskvaga reysni davom ettirdi”, − deyiladi aeroport matbuot xizmati xabarida.

Rasmiy ma’lumotlarga ko‘ra, erkak buyragidagi muammo tufayli shifoxonaga yotqizilgan. Moskvadagi Vnukovo aeroportining onlayn-tablosi ma’lumotiga qaraganda, reys Moskvaga mahalliy vaqt bilan soat 06:26 da qo‘ngan. Bu rejadagidan 1,5 soatga kechroq demakdir.