Fukusima tumanida yashovchi bolalar Yaponiyada eng semiz bo‘lib chiqdi

Tadqiqotlar shuni ko‘rsatdiki, yaponiyalik bolalar orasida ortiqcha vazndan eng ko‘p Fukusima prefekturasida yashovchilar azob chekadi, u yerdagi AESda 2011-yilda avariya sodir bo‘lgan edi. Bu haqda “Segodnya.ua” xabar berdi.

Yaponiya ta’lim vazirligi mutaxassislari fikricha, fukusimalik bolalarning semirib ketishiga ularning avariya tufayli ko‘chaga kamroq chiqishga majbur bo‘lgani sabab bo‘lgan.

Shu bilan birga, butun mamlakat bo‘yicha bolalarda ortiqcha vazn darajasi pasaygan. Tadqiqotchilar kuzatuvlariga ko‘ra, o‘rtacha hisobda mamlakatning shimoliy hududlaridagi bolalar semizroq bo‘lib chiqqan. Bunga u yerda ko‘p qor tushishi natijasida bolalar ko‘chada kamroq o‘ynashi sabab qilib ko‘rsatilmoqda.