Bugun, 26-yanvar kuni yarim kilometrli 2004 BL86 asteroidi sayyoramizga ancha yaqin masofada uchib o‘tadi, deya xabar bermoqda “Rossiyskaya gazeta”. Ushbu masofa 1,2 million kmga teng bo‘ladi, bu Oydan Yergacha bo‘lgan masofadan uch barobar ko‘p demakdir.
Yerga maksimal darajada yaqin kelgan vaqtida asteroidning tezligi bir daqiqada taxminan 160 burchak soniyasiga teng bo‘ladi.
NASA’dagilarning ta’kidlashicha, “mehmon” yerliklar uchun hech qanday xavf tug‘dirmaydi. Uni kuzatish uchun esa havaskor astronomlarga kichik teleskop yoki durbin kerak bo‘ladi.
NASA’ning reaktiv harakat laboratoriyasi xodimi Don Yeomans aytishicha, ushbu asteroid so‘nggi 200 yil ichida sayyoramizga bunchalik yaqin kelmagan. Shunday yaqin masofada uchib o‘tishi uni kuzatib, yuzasini o‘rganish imkoniyatini beradi.
“NASA asteroidga mikroto‘lqinli nur bilan ta’sir etib, uning yuqori aniqlikdagi 3D suratlari va 3D-modelini olmoqchi”, — dedi u. Astronomlar bugungi kunda ushbu osmon jismi tuzilishi va ko‘rinishi to‘g‘risida deyarli hech qanday ma’lumotga ega emas.
Izoh (0)