Taniqli qo‘shiqchi va musiqachi Demis Russos 25-yanvar kuni Afina shahrida 68 yoshida olamdan o‘tdi. Biroq bu haqda OAVga bugun ma’lum bo‘ldi, deb xabar bermoqda “Uz24.uz” “Vesti.ru” nashriga tayanib.
So‘nggi vaqtlarda u Gretsiya hamda Fransiyada yashagan edi. O‘limining sababi esa hozircha oshkor qilinmadi.
Qo‘shiqchining o‘limi haqida tele va radioboshlovchi Nikos Aliagas o‘zining Twitter’dagi sahifasida yozib qoldirgan.
Ma’lumot uchun, Demis Russos ijodiy faoliyatini 1960-yillarda Aphrodite's Child guruhi tarkibida boshlagan. 1980-yillarda yakkaxon xonanda sifatida tanilgan. U yaratgan Goodbye my Love, Goodbye, Forever and Ever, From Souvenirs to Souvenirs, My Only Fascination kabi qo‘shiqlari dunyo miqyosida mashhur bo‘lgan edi.
Izoh (0)