Joriy yilning bahorida o‘zbekistonlik kinorejissor Andrey Afrin “Toshkent, seni sevaman!” filmini surat olishga kirishadi, deya xabar bermoqda “Podrobno.uz”.
Afringa film uchun ssenariyni “O‘zbekfilm”ning yosh rejissorlari taklif qildi. “Toshkent, seni sevaman!” turli rejissorlar tomonidan yaratilgan va bir-biri bilan bog‘liq bo‘lmagan uch daqiqalik o‘n beshta kinonovelladan iborat bo‘ladi. O‘z shakliga ko‘ra, loyiha Fransiyaning “Parij, seni sevaman!”, Amerikaning “Nyu-York, seni sevaman!”, Rossiyaning “Moskva, seni sevaman!” filmlarini takrorlaydi.
Eslatib o‘tamiz, “Kinoprom” kompaniyasi “Toshkent, seni sevaman!” kinoto‘plami uchun ssenariylar tanlovini o‘tgan yilning avgustida e’lon qilgan edi.
Loyiha tashabbuskori “Kinoprom” kompaniyasidir. Film tayyor bo‘lgach, dunyoning 200 ta kinofestivaliga to‘liq shaklda yoki qisman yuboriladi. Bundan tashqari, kinoteatrlarda namoyish etiladi, shuningdek internetdagi ommabop kinoportallarga joylashtiriladi.
Ssenariylar xiyonat, xudbinlik, ko‘r sevgi, rashk, ehtiros va bevafolik kabi mavzularga asoslangan.
Izoh (0)