“O‘zbekiston havo yo‘llari” milliy aviakompaniyasi tomonidan 28-dekabrdan 10-yanvargacha mamlakat ichidagi reyslar aviachiptalariga talabalar uchun chegirmalar taqdim etildi, deb xabar bermoqda “Podrobno.uz”.
Chegirmali aviachiptalarni sotib olish uchun talabalar kassaga oliy ta’lim muassasasida o‘qishi haqida dekanatdan ma’lumotnoma, talabalik guvohnomasi hamda pasportni taqdim etishlari lozim.
Misol sifatida Toshkent – Buxoro reysi keltirilgan. Ushbu yo‘nalish aviachiptasi chegirma bilan 81 ming so‘m, chegirmasiz esa 167 ming so‘m turishi qayd etilgan.
Izoh (0)