Mos ravishda “Uimbldon—2014” hamda “Rolan Garros—2014” chempionlari Novak Jokovich va Mariya Sharapova AQSh Sport akademiyasi tomonidan o‘tkazilgan so‘rov natijalariga ko‘ra, yakunlanib borayotgan yilning eng yaxshi sportchilari deb topildi. Bu haqda “Olamsport” xabar bermoqda.
So‘rov 1—24-dekabr kunlari oralig‘ida akademiya rasmiy saytida o‘tkazildi. Yilning “eng yaxshi erkak sportchisi” nominatsiyasida Jokovichdan keyingi o‘rinlarni marafon yugurishda jahon rekordchisi Dennis Kimetto hamda “Barselona” hujumchisi Lionel Messi band etdi.
“Yilning eng yaxshi ayol sportchisi” yo‘nalishida Sharapovadan keyingi uchlikni yengil atletikachi Genzebe Dibaba hamda suzish sport turi vakilasi Keti Ledeski yakunladi.
Izoh (0)