Bugun,

  • USD 11095.31
  • RUB 173.84
  • EUR 10772.44

O‘zbekiston Respublikasi Oliy Majlisi Qonunchilik palatasi va xalq deputatlari viloyat, tuman va shahar Kengashlariga deputatlarni saylash bo‘yicha barcha saylov uchastkalarida ovoz berish yakunlandi, deb xabar bermoqda O‘zbekiston Milliy axborot agentligi.

Foto: elections.uz

Foto: elections.uz

Bu haqda O‘zbekiston Respublikasi Markaziy saylov komissiyasi raisi M. Abdusalomov 2014-yilgi saylovni yoritish bo‘yicha respublika matbuot markazida Toshkent vaqti bilan soat 22:00 da mamlakatimiz va chet el ommaviy axborot vositalari vakillari uchun o‘tkazilgan brifingda ma’lum qildi.

Dastlabki ma’lumotlarga ko‘ra, saylovda 18 miliondan ortiq saylovchi ishtirok etdi va bu ro‘yxatga kiritilgan umumiy saylovchilarning 88 foizdan ko‘pini tashkil etdi. Shunday qilib, O‘zbekiston Respublikasining “O‘zbekiston Respublikasi Oliy Majlisiga saylov to‘g‘risida”gi qonunining 44-moddasiga muvofiq parlament Qonunchilik palatasi deputatlari saylovi o‘tgan, deb hisoblanadi.

Shuningdek, O‘zbekiston Ekologik harakatining konferensiyasi ham yakunlandi. Unda Ekoharakatning Markaziy kengashi Ijroiya qo‘mitasi va hududiy bo‘linmalari vakillari tomonidan Qonunchilik palatasiga 15 nafar deputat yashirin ovoz berish yo‘li bilan saylandi. Hozir ovozlarni sanab chiqish va saylov natijalarini aniqlash jarayoni davom etmoqda.

O‘zbekiston Respublikasi Oliy Majlisi Qonunchilik palatasiga saylov O‘zbekiston Respublikasi Konstitutsiyasi va saylov to‘g‘risidagi qonunlarda mustahkamlangan barcha demokratik norma va prinsiplarga rioya etilgan holda o‘tkazildi.

Saylov jarayonida saylov qonunchiligi buzilgani haqida joylardan birorta ham ma’lumot tushmadi.

Ayni paytda saylov uchastkalarida “O‘zbekiston Respublikasi Oliy Majlisiga saylov to‘g‘risida”gi qonunning 42-moddasiga muvofiq parlament quyi palatasi deputatligiga har bir nomzod bo‘yicha berilgan ovozlar alohida sanab chiqilmoqda.

Avval xabar qilinganidek, saylovni dunyoning ellikdan ziyod davlati va besh xalqaro tashkilotdan 300 dan ortiq xalqaro va xorijiy kuzatuvchi kuzatib bormoqda.

Bundan tashqari, Qonunchilik palatasiga saylov jarayonini deputatlikka nomzodlarni ko‘rsatgan siyosiy partiyalarning 70 mingdan ziyod kuzatuvchi va vakolatli vakili ham kuzatmoqda. Qonunchilikka binoan siyosiy partiyalarning vakolatli vakillari saylov uchastkalarida ovozlarni sanab chiqishda ham qatanashadi.

Mamlakatimiz va chet el ommaviy axborot vositalari vakillariga 22-dekabr kuni bo‘lib o‘tadigan matbuot anjumanida O‘zbekiston Respublikasi Oliy Majlisi Qonunchilik palatasi deputatlari saylovining dastlabki yakunlari e’lon qilinishi ma’lum qilindi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi