Jizzaxda shoira Zulfiya tavalludining 100 yilligiga bag‘ishlangan adabiyot bayrami bo‘lib o‘tdi

Jizzaxda O‘zbekiston xalq shoiri Zulfiya tavalludining 100 yilligiga bag‘ishlangan “Sajdagohim tanho Vatan” deb nomlangan adabiyot bayrami bo‘lib o‘tdi, deb xabar beradi O‘zbekiston Milliy axborot agentligi.

Prezident Islom Karimovning 2014-yil 31-oktabrdagi “O‘zbekiston xalq shoiri Zulfiya tavalludining 100 yilligini nishonlash to‘g‘risida”gi qarori ijrosi doirasida viloyat hokimligi, viloyat xotin-qizlar qo‘mitasi, O‘zbekiston Yozuvchilar uyushmasi viloyat bo‘limi hamkorligida tashkil etilgan tadbirda poytaxtdan kelgan taniqli ijodkorlar, adabiyotshunos olimlar ishtirokida uchrashuvlar, adabiy-badiiy anjumanlar o‘tkazildi.

Adabiyot bayrami doirasida Abdulla Qodiriy nomidagi Jizzax davlat pedagogika va Jizzax politexnika institutlarida Zulfiya hayoti va ijodiga bag‘ishlangan adabiy-badiiy anjumanlar o‘tkazildi. Bunday tadbirlar umumta’lim maktablari, akademik litsey va kasb-hunar kollejlarida ham tashkil etilmoqda.

Tadbirda Jizzax viloyati hokimi S. Ismoilov so‘zga chiqdi.