Bugun,

  • USD 11095.31
  • RUB 173.84
  • EUR 10772.44

2014-yil 15-dekabr kuni “Urganch” xalqaro aeroportida soatiga 300 yo‘lovchiga xizmat ko‘rsata oladigan yangi terminal ishga tushirildi, deb xabar bermoqda “Turkiston-press” nodavlat axborot agentligi.

Foto: “Turkiston-press”

Foto: “Turkiston-press”

O‘zbekiston milliy aviakompaniyasi vakillari ma’lum qilishicha, bu mintaqaning sayyohlik salohiyati oshishiga imkon beradi. Binoda aviatsiya xavfsizligini yuqori darajasini ta’minlash uchun zamonaviy muhandislik va texnologiya uskunalari o‘rnatilgan. Yangi terminalda mahalliy va xalqaro  yo‘nalishlar yo‘lovchilari uchun zallar, shuningdek CIP-zal bo‘lib, ularning har birida valyuta ayirboshlash shoxobchalari hamda onalar va bolalar xonalari mavjud. Shuningdek, terminalda tibbiyot xonasi, Duty-free, qahvaxona va boshqa qulayliklar ham bor.

Eslatib o‘tamiz, joriy yilning may oyida “Urganch” xalqaro aeroportida uchib keluvchi yo‘lovchilar uchun yangi terminal foydalanishga topshirilgan edi. Bu ishlar O‘zbekiston Prezidentining “2013−2015-yillarda Xorazm viloyatida turizm sohasini rivojlantirish dasturi to‘g‘risidagi” qarori ijrosi yuzasidan olib borilmoqda.

Yangi terminalning tantanali ochilish marosimida Xorazm viloyati hokimi P. Bobojonov, “93-Maxsustrest” pudrat tashkiloti bosh direktori R. Normuradov, “Urganch” xalqaro aeroporti xodimlari va ommaviy axborot vositalari vakillari ishtirok etdi.

Izoh
Asosiy yangiliklar
Dunyo
Turkiyadagi zilzila: Qirg‘izistonda deputatlar maoshini zilzila qurbonlariga yordam uchun o‘tkazmoqchi
Dunyo
Bayden kelgusi prezidentlik sayloviga nomzodini qo‘yish-qo‘ymasligi haqidagi savolga javob berdi
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi