Amerikalik oshpaz Umberto Evans “aqlli” Pantelligent tovasini ishlab chiqish uchun Kickstarter kraudfanding saytida bir necha kun ichida 38 ming dollardan ortiq mablag‘ yig‘di, deya xabar bermoqda “Rossiyskaya gazeta”. Qurilma iOS-dastur yordamida boshqariladi, uning yordamida har kim ham taomlarni mohir oshpazdan a’loroq tayyorlashi mumkin bo‘ladi.
Mablag‘ to‘plash 42 kundan so‘ng tugaydi, biroq loyiha zarur bo‘lgan mablag‘ni 8 ming dollar oshig‘i bilan yig‘ib bo‘ldi.
12 dyuymli smart-tova harorati datchigi iPhone dasturi bilan uyg‘unlikda ishlaydi, natijada taom pishayotgan vaqtida kuyib ketmaydi: foydalanuvchi gadjetdagi ko‘rsatmalarga qarab, taomni aralashtirish yoki ag‘darish vaqti kelganini aniq bilib turadi. Pantelligent’ni 15 metr masofadan boshqarish mumkin.
Izoh (0)