Putin 2018-yilgi prezidentlik saylovlariga o‘z nomzodini qo‘yishi mumkinligini aytdi

Rossiya prezidenti Vladimir Putin 2018-yilda prezidentlik saylovlarida o‘z nomzodini qo‘yish imkoniyatini istisno qilmasligini aytdi. Bu haqda Putinning “TASS” agentligiga bergan intervyusiga tayanib, “Meduza” xabar qildi.

Rossiya prezidenti konstitutsiya unga yuqori davlat lavozimiga yana da’vogarlik qilish huquqini berishini eslatdi. U zarur qarorni “umumiy vaziyat, ichki nuqtai nazar va o‘z kayfiyati”dan kelib chiqib qabul qilishini qo‘shimcha qildi.

Eslatib o‘tamiz, shu intervyusida Putin kun tartibining tig‘izligi tufayli qizlari va do‘stlari bilan tez-tez ko‘risha olmasligini aytgan edi.