Britaniyalik fotosuratchi 830 metrlik “Burj Xalifa” tepasida selfi surat oldi

Britaniyalik fotosuratchi “dunyoda eng balanddan olingan selfi”ga ega bo‘ldi, deb yozadi Telegraph nashri.

Gap shundaki, Jerald Donovan dunyodagi eng baland minora — Dubaydagi 830 metrlik “Burj Xalifa” tepasida turib surat oldi.

Donovanga bunda iPhone’dagi dastur yordamida boshqariladigan maxsus panoramali kamera yordam berdi. Fotosuratchining aytishicha, u selfi ishqibozi emas, biroq bunday manzarani kadrga muhrlash imkoniyatini boy berishni istamagan.