Afinadagi AQSh elchixonasi oldida namoyishchilar Amerika bayrog‘ini yoqib yubordi

Gretsiya poytaxti Afina shahridagi AQSh elchixonasi oldida Politexnika universiteti talabalari qo‘zg‘olonini xotirlab o‘tkazilgan namoyish ishtirokchilari Amerika bayrog‘ini yoqib yubordi, deb xabar bermoqda Korrespondent.net.

Tashkilotchilar namoyishda 30 ming kishi qatnashganini qayd etgan. Politsiya esa namoyishda 8,5 ming kishi ishtirok etganini, xavfsizlik masalalari uchun 7 ming nafar politsiyachi safarbar qilinganini ma’lum qilgan.

1973-yil 16-dan 17-noyabrga o‘tar kechasi talabalar hukumat ularning tashkilotlari ishlariga aralashuviga norozilik sifatida universitet binosini egallab olgan. Qo‘zg‘olon bostirilganiga qaramay, bu ommaviy norozilikka va 1967−1974-yillarda hukm surgan va AQSh tomonidan qo‘llab-quvvatlangan harbiy diktaturaning tugatilishiga olib kelgan edi.