Amerikalik taniqli bokschi Mayk Tayson angliyalik yozuvchi Uilyam Shekspirning “Otello” pyesasi asosida suratga olinayotgan filmda Otello rolini o‘ynash istagini bildirdi. Bu haqda Mirror’ga asoslanib Stadion.uz xabar bermoqda.
Taysonning so‘zlariga ko‘ra, u hozircha teatr sahnasiga chiqishga tayyor emas, shu sababli u o‘zini dastlab televideniyeda sinab ko‘rmoqchi. “Men Shekspir asarining ekranlashtirilishida ishtirok etishni juda ham xohlayapman… Aynan qaysi rolni xohlashimni aniq ayta olmayman, biroq Otelloni o‘ynash qiziqarli bo‘lardi”, – deya boksyorning so‘zlaridan iqtibos keltirmoqda gazeta.
“Shekspirning ekranlashtirilishida o‘ynashdan ham ajoyibroq narsa bormi o‘zi? Bu qora yigit… Meni Otello sifatida tasavvur qila olasizmi?”, – deya jurnalistlarga savol bilan murojaat qildi Tayson Las-Vegasda bo‘lib o‘tgan Soul Train Awards musiqa mukofoti taqdimotida.
Ma’lumot uchun, Tayson 55dan ortiq filmlarda suratga tushgan bo‘lib, ularning aksariyatida aynan Mayk Tayson rolini ijro etgan. Tayson suratga tushgan yana ikki film yaqin orada prokatga chiqarilishi kerak.
Izoh (0)