Yakunlangan mavsumda poytaxtning “Paxtakor” jamoasi ochko to‘plash bo‘yicha o‘z rekordini yangiladi. Bu haqda klubning rasmiy sayti xabar bermoqda.
Shu paytgacha 2007-yilgi mavsumda 90 imkoniyatdan 82 ochko to‘plagan “Paxtakor” o‘sha yili qo‘lga kiritish mumkin bo‘lgan ochkolarning 91,1 foiziga ega chiqqandi. 2014-yil 78 ochkodan 72 tasini qo‘lga kiritgan “sherlar” bu borada ko‘rsatkichni 92,3 foizga yetkazib qo‘ydi.
Bundan tashqari, “Paxtakor” ikki bor mavsumni mag‘lubiyatsiz o‘tkazgan birinchi klubga aylandi. Bungacha “Neftchi” (1994-yil), “Paxtakor” (2007-yil) va “Bunyodkor” (2009-yil) butun mavsumni mag‘lubiyatsiz o‘tkazishga muvaffaq bo‘lgandi.
“Paxtakor” Oliy liga doirasida oxirgi marta o‘tgan yili “Olmaliq”qa imkoniyatni boy bergandi. Shundan beri 36 uchrashuvda “Paxtakor” mag‘lubiyat nimaligini bilmay kelmoqda.
Izoh (0)