Sony kompaniyasi dekabrda to‘rt metr suv ostida joylashgan do‘konini ochadi

Arabian Gazette va The National’ning xabar berishicha, Sony kompaniyasi Dubay qirg‘og‘ida smartfon va planshetlar sotiladigan dunyodagi ilk suvosti do‘konini ochadi. Ochilish marosimi 3-dekabr kuni ayrim xaridor va OAV xodimlari bilan amalga oshiriladi, deb yozadi Phonearena.com ma’lumotiga asoslanib “Parol” nashri.

Sony’ning ushbu do‘koni Xperia Aquatech Store deb nomlanadi va u 4 metr suv ostida joylashadi. Hozircha, do‘kon haqida boshqa ma’lumotlar oshkor qilinmagan.

Eslatib o‘tamiz, Sony kompaniyasi 2013-yilda ilk suv o‘tkazmas Xperia Z smartfoni va Xperia Tablet Z planshetlarini taqdim etgan edi. Kompaniyaning so‘nggi Xperia Z3, Xperia Z3 Compact smartfonlari va Xperia Z3 Tablet Compact planshetlari yanada yaxshiroq suv o‘tkazmaslik xususiyatiga ega.

Shuningdek, “Parol” nashrining quyidagi maqolalarini ham o‘qishni tavsiya qilamiz:

• Twitter’ning 80 foiz foydalanuvchilari tarmoqqa mobil qurilma yordamida kiradi;
• Xiaomi smartfon sotish bo‘yicha Samsung va Apple’dan keyingi o‘ringa chiqib olgani xabar qilindi;
• Xperia Z3 va Z3 Compact smartfonlarida olingan suratlar o‘rtasida pushti rangli dog‘ paydo bo‘lmoqda.