Sony компанияси декабрда тўрт метр сув остида жойлашган дўконини очади

Arabian Gazette ва The National’нинг хабар беришича, Sony компанияси Дубай қирғоғида смартфон ва планшетлар сотиладиган дунёдаги илк сувости дўконини очади. Очилиш маросими 3 декабрь куни айрим харидор ва ОАВ ходимлари билан амалга оширилади, деб ёзади Phonearena.com маълумотига асосланиб «Пароль» нашри.

Sony’нинг ушбу дўкони Xperia Aquatech Store деб номланади ва у 4 метр сув остида жойлашади. Ҳозирча, дўкон ҳақида бошқа маълумотлар ошкор қилинмаган.

Эслатиб ўтамиз, Sony компанияси 2013 йилда илк сув ўтказмас Xperia Z смартфони ва Xperia Tablet Z планшетларини тақдим этган эди. Компаниянинг сўнгги Xperia Z3, Xperia Z3 Cомпаcт смартфонлари ва Xperia Z3 Tablet Compact планшетлари янада яхшироқ сув ўтказмаслик хусусиятига эга.

Шунингдек, «Пароль» нашрининг қуйидаги мақолаларини ҳам ўқишни тавсия қиламиз:

• Twitter’нинг 80 фоиз фойдаланувчилари тармоққа мобил қурилма ёрдамида киради;
• Xiaomi смартфон сотиш бўйича Samsung ва Apple’дан кейинги ўринга чиқиб олгани хабар қилинди;
• Xperia Z3 ва Z3 Compact смартфонларида олинган суратлар ўртасида пушти рангли доғ пайдо бўлмоқда.