“Muloqot yulduzi” tanlovi boshlangani va unda yetakchilik qilayotgan suratlar hamda tanlovda qanday qilib g‘olib bo‘lish mumkinligi haqida avval xabar bergan edik. Ushbu tanlov hozir juda qizg‘in pallada va unda ishtirok etayotgan ko‘p sonli foydalanuvchilarning takliflari inobatga olinib, tashkilotchilar tomonidan tanlov muddati uzaytirildi — endi tanlov 24-noyabrga qadar davom etadi. Shoshiling!
Eslatib o‘tamiz, “Muloqot” O‘zbekistondagi yetakchi ijtimoiy tarmoq hisoblanadi va hozirda undan 130 ming nafar kishi foydalanmoqda. Android-qurilmalar uchun mo‘ljallangan “Muloqot” dasturi esa o‘zbek ijtimoiy tarmoqlari tomonidan taqdim etilgan ilk mobil dastur hisoblanadi. Shuningdek, O‘zbekistonda mobil dasturlarda “Muloqot yulduzi” kabi tanlov ham birinchi marotaba o‘tkazilmoqda.
Yuqoridagilarni inobatga olgan holda tanlov ishtirokchilarida savollar paydo bo‘lmoqda. Buni “Muloqot” ofisiga qilinayotgan ko‘p sonli qo‘ng‘iroqlardan ham bilish mumkin. Qo‘ng‘iroqlar asosan tanlov yakunlanish muddatini uzaytirish borasida bo‘lmoqda.
“Muloqot” jamoasi esa ijtimoiy tarmoqlar orasida qilingan yangiliklarini foydalanuvchilar to‘liq tushunib olishlari va tanlovda o‘z imkoniyatlaridan to‘laligicha foydalanishlarini ta’minlash maqsadida “Muloqot yulduzi” tanlovining yakunlanish vaqtini 27-oktabrdan 24-noyabr soat 14:00 ga ko‘chirdi. Bu o‘zgarish tanlovda yaxshi natijaga erishayotgan ishtirokchilarga yanada ko‘proq yulduz to‘plash, yangi ishtirokchilarga esa sovrinli o‘rinlarni egallash imkonini beradi
Ishtirokchilar tanlov qoidalarini unutmasligini so‘raymiz. Eslatib o‘tamiz, tanlov qoidalariga rioya qilmagan ishtirokchilar tanlovdan chetlashtiriladi.
“Muloqot yulduzi” tanlovida ishtirok etish uchun quyidagi shartlarga ahamiyat berishingizni so‘raymiz:
- “Muloqot” dasturiga o‘z nomingizga olingan telefon raqamni kiritishingiz kerak. Tanlovda ishtirok etayotgan a’zo kiritgan telefon raqami boshqa odam nomiga olingan bo‘lsa, bunday ishtirokchi tanlovdan chetlatiladi;
- “Muloqot” dasturida ishtirokchi o‘z ism-sharifini ko‘rsatishi shart. O‘z ismi o‘rniga boshqa ismlarni ko‘rsatgan ishtirokchilar tanlovda ishtirok etmaydi;
- “Muloqot” dasturida profilga o‘z rasmingizni qo‘ying, aks holda tanlovdan chetlatilishingiz mumkin.
Izoh (0)