Meksikadagi Tulum kurortida joylashgan yovvoyi tabiat bog‘i xo‘jayini Richard Mileski hayotiga bog‘dagi tuya nuqta qo‘ydi, deya xabar bermoqda “Rossiyskaya gazeta”. Tuya avvaliga uni tishlab olib, so‘ng bosib yanchib tashlagan.
Tulum fuqarolar mudofaasi departamenti vakili so‘zlariga ko‘ra, quturgan tuyani marhumning jasadidan chetlashtirish uchun uni yuk mashinasiga ulangan arqon bilan sudrashga to‘g‘ri kelgan. Ma’lum bo‘lishicha, tuya tishlab, bosib tashlaganidan keyin ham Mileski tirik qolgan, biroq tuya uning ustiga o‘tirib olgach, nafasi bo‘g‘ilib nobud bo‘lgan.
Jonivor nima sababli hayvonot bog‘i xo‘jayiniga tashlangani noma’lum bo‘lib qolmoqda. Unga doimiy ravishda kunning ma’lum qismida beriladigan ichimlikning vaqtida tortilmagani tuyaning g‘azablanishiga sabab bo‘lgani taxmin qilinmoqda.
Izoh (0)