Amerika Qo‘shma Shtatlarining Nyu-York shahrida tennis bo‘yicha “Katta dubulg‘a” turkumiga kiruvchi dunyodagi to‘rtta eng yirik musobaqadan biri US Open xalqaro turnirining asosiy to‘r bahslari davom etmoqda. Bu haqda O‘zbekiston Milliy Olimpiya qo‘mitasi xabar berdi.
Dunyoning yetakchi raketka ustalari ishtirokida o‘tayotgan mazkur nufuzli musobaqada O‘zbekistonning birinchi raqamli tennischisi Denis Istomin ushbu turnirdagi ishtirokini juftliklar musobaqasida davom ettiradi.
Birinchi bosqichda Denis Istomin / Andrey Golubev (Qozog‘iston) juftligi kolumbiyalik duet Nikolas Barriyentos va Santyago Xiraldo bilan bahs yuritadi.
Eslatib o‘tamiz, Denis yakkalik bahslarining dastlabki uchrashuvida mazkur turnirda 12-raqam ostida saralangan fransiyalik Rishar Gaskega qarshi kortga tushib, 5-7, 6-7, 4-6 hisobida imkoniyatni boy berdi.
Izoh (0)