2014-yil 14-avgustdan “Ukraina xalqaro havo yo‘llari” aviakompaniyasi Ukraina va O‘zbekiston o‘rtasida havo qatnovini ochdi. U o‘zining to‘g‘rida-to‘g‘ri doimiy reyslari orqali poytaxtlarni bog‘laydi, deya xabar berdi UzDaily.
Kiyev va Toshkent orasidagi “Ukraina xalqaro havo yo‘llari” reyslari xizmat ko‘rsatishning biznes va ekonom klasslariga ega “Boing-737” zamonaviy samolyotlarida amalga oshiriladi.
Kiyev — Toshkent yo‘nalishi bo‘yicha reyslar haftada ikki marta — payshanba va shanba kunlari qatnaydi; teskari yo‘nalishda dushanba va juma kunlari uchadi.
Kiyevdan uchish uchun chipta narxi 7480 grivna (taxminan 427 yevro; ekonom klass, ikki tomonlama chipta, barcha soliq va yig‘imlarni hisobga olganda), Toshkentdan uchish esa — 465 yevrodan boshlanadi.
Izoh (0)