Bugun UEFA Superkubogi uchun bahs bo‘lib o‘tadi. Xabar berilganidek, unda Chempionlar ligasi g‘olibi — Madridning “Real” jamoasi Yevropa Ligasi g‘olibi bo‘lgan “Sevilya”ga qarshi kurash olib boradi.
“Sport” kanali mazkur uchrashuvni namoyish etishni rejalashtirayotganini ma’lum qilgan edik.
“Daryo” tahririyati mushtariylar iltimosi bilan bu masalaga oydinlik kiritish uchun telekanal xodimlari bilan bog‘landi.
“Sport” telekanalidagi manbamiz avval qayd etilganidek, translyatsiya qilish uchun birorta ham shartnoma imzolanmagani bois bellashuv namoyish etilmasligini ma’lum qildi.
UEFA Superkubogi uchun bo‘lib o‘tadigan bahs “Sport”ning 12-avgustda taqdim etiladigan ko‘rsatuvlar ro‘yxatiga ham kiritilmagan. Uning o‘rniga “Dunyoning eng zo‘r atleti” nomli hujjatli film namoyish etiladi.
“Real” va “Sevilya” o‘rtasidagi o‘yin “NTV” va “NTV Plyus futbol” kanallari orqali jonli tarzda efirga uzatiladi, deb xabar bermoqda Stadion.uz.
Izoh (0)