O‘zbekistonda LG Optimus GK Android-smartfonining sotuvi boshlandi. Bu haqda Mobinfo.uz sayti ma’lumotiga asoslanib “Parol” nashri xabar berdi.
LG Optimus GK smartfonida 5 dyuym, 1080×1920 pikselli IPS-displey, 1,7 GGs chastotaga ega to‘rt yadroli Snapdragon 600 protsessori, 2 Gb tezkor va 64 gigabaytgacha kengaytirish mumkin bo‘lgan 16 Gb ichki xotira, 2 megapikselli old va 13 megapikselli orqa kamera o‘rnatilgan.
Batareya quvvati 3100 mA·soatni tashkil etadi. Qurilma Bluetooth 4.0, Wi-Fi 802.11 a/b/g/n va NFC, 4G LTE modullariga ega. U Android 4.1.2 operatsion tizimida ishlaydi. O‘lchamlari 139,1 × 69,9 × 9,9 millimetr, og‘irligi esa 156 grammni tashkil etadi.
LG Optimus GK smartfoni Toshkentdagi “Fleshka” savdo majmuasida 700–800 ming so‘mdan sotilmoqda.
Izoh (0)