LG Optimus GK смартфони Тошкентда 700–800 минг сўмдан сотила бошланди

Ўзбекистонда LG Optimus GK Android-смартфонининг сотуви бошланди. Бу ҳақда Mobinfo.uz сайти маълумотига асосланиб «Пароль» нашри хабар берди.

LG Optimus GK смартфонида 5 дюйм, 1080×1920 пикселли IPS-дисплей, 1,7 ГГц частотага эга тўрт ядроли Snapdragon 600 процессори, 2 Гб тезкор ва 64 гигабайтгача кенгайтириш мумкин бўлган 16 Гб ички хотира, 2 мегапикселли олд ва 13 мегапикселли орқа камера ўрнатилган.

Батарея қуввати 3100 мА·соатни ташкил этади. Қурилма Bluetooth 4.0, Wi-Fi 802.11 a/b/g/n ва NFC, 4G LTE модулларига эга. У Android 4.1.2 операцион тизимида ишлайди. Ўлчамлари 139,1 × 69,9 × 9,9 миллиметр, оғирлиги эса 156 граммни ташкил этади.

LG Optimus GK смартфони Тошкентдаги «Флешка» савдо мажмуасида 700–800 минг сўмдан сотилмоқда.