Rossiyaning “Krasnodar” klubi Vengriyaning “Dyoshdyor” jamoasini yirik hisobda mag‘lubiyatga uchratdi

Rossiyaning “Krasnodar” klubi Yevropa ligasi saralash bosqichi, uchinchi raundida Vengriyaning “Dyoshdyor” jamoasiga qarshi maydonga tushdi va yirik hisobda g‘alabaga erishdi. Bu haqda Uff.uz xabar berdi.

5:1 hisobida yakuniga yetgan uchrashuvda O‘zbekiston terma jamoasi yarim himoyachisi Odil Ahmedov to‘liq ishtirok etdi.

Uchrashuvning 28-daqiqasida krasnodarliklar hujumchisi Ari hisobni ochdi. 40-daqiqada Odil Ahmedov jamoasining ikkinchi golini kiritdi. Shundan so‘ng, “Doshdor” futbolchisi Bacha ikkinchi bo‘limda, uchrashuvning 49-daqiqasida gol kiritib, hisobni qisqartirishga muvaffaq bo‘ldi.

Ammo “Krasnodar” yana uchta gol kiritib, hisobni yirik ko‘rinishga olib keldi.

Yevropa ligasi, saralash bosqichi (3-raund)

“Dyoshdyor” (Vengriya) — “Krasnodar” (Rossiya) 1:5 (0:2, 1:3)Gollar: 0:1 — 28 Ari, 0:2 — 40 Ahmedov, 1:2 — 49 Bacha, 1:3 — 51 Pereyra, 1:4 — 88, penalti Joaozino, 1:5 — 90 V. Bistrov.

“Dyoshdyor” — Antal (Radosh, 80), Nemet, Debretseni (Grumich, 46), Alves, Epereshi (Bognar, 46), Elek, Egersegi, Xusich, Gostoni, Kadar, Bacha.

“Krasnodar” — Sinitsin, Sigurdsson, Yendjeychik, Martinovich, V.Kaleshin, Laborde (V.Bistrov, 58), Gazinskiy, Joaozino, Odil Ahmedov, Pereyra (Pomerko, 81), Ari (Vanderson, 58).

Ogohlantirishlar: Gostoni (67).