Россиянинг «Краснодар» клуби Венгриянинг «Дьошдьор» жамоасини йирик ҳисобда мағлубиятга учратди

Россиянинг «Краснодар» клуби Европа лигаси саралаш босқичи, учинчи раундида Венгриянинг «Дьошдьор» жамоасига қарши майдонга тушди ва йирик ҳисобда ғалабага эришди. Бу ҳақда Uff.uz хабар берди.

5:1 ҳисобида якунига етган учрашувда Ўзбекистон терма жамоаси ярим ҳимоячиси Одил Аҳмедов тўлиқ иштирок этди.

Учрашувнинг 28-дақиқасида краснодарликлар ҳужумчиси Ари ҳисобни очди. 40-дақиқада Одил Аҳмедов жамоасининг иккинчи голини киритди. Шундан сўнг, «Дьошдьор» футболчиси Бача иккинчи бўлимда, учрашувнинг 49-дақиқасида гол киритиб, ҳисобни қисқартиришга муваффақ бўлди.

Аммо «Краснодар» яна учта гол киритиб, ҳисобни йирик кўринишга олиб келди.

Европа лигаси, саралаш босқичи (3-раунд)

«Дошдор» (Венгрия) — «Краснодар» (Россия) 1:5 (0:2, 1:3)Голлар: 0:1 — 28 Ари, 0:2 — 40 Аҳмедов, 1:2 — 49 Бача, 1:3 — 51 Перейра, 1:4 — 88, пенальти Жоаозиньо, 1:5 — 90 V. Бистров.

«Дошдор» — Анталь (Радош, 80), Немет, Дебрецени (Грумич, 46), Алвес, Эперьеши (Богнар, 46), Элек, Эгерсеги, Хусич, Гостоньи, Кадар, Бача.

«Краснодар» — Синицин, Сигурдссон, Енджейчик, Мартинович, В. Калешин, Лаборде (V.Бистров, 58), Газинский, Жоаозиньо, Одил Аҳмедов, Перейра (Померко, 81), Ари (Вандерсон, 58).

Огоҳлантиришлар: Гостони (67).