Niderlandiya banklari Ukrainadagi “Boing” fojiasi qurbonlarining kredit kartalari o‘g‘irlangani haqida xabar berdi
Ukraina sharqida “Boing-777” halokatga uchraganidan so‘ng o‘g‘irlangan kredit kartalar haqida xabar berilgach, Niderlandiya banklari “oldini oluvchi choralar” ko‘rilganini ma’lum qildi. Bu haqda Gazeta.ru xabar beradi.
“Xalqaro OAVlar qurbonlarning bank kartalari o‘g‘irlanganini xabar qildi”, — deyishdi Niderlandiya bank assotsiatsiyasidagilar.
Banklar zarur bo‘lgan paytda oldini oluvchi choralar ko‘radi, shu bilan birga, halok bo‘lganlarning qarindoshlariga yetkazilgan har qanday talafot qoplanadi.
Eslatib o‘tamiz, Malaysia Airlines’ga tegishli, Amsterdamdan Kuala-Lumpurga uchayotgan “Boing-777” Toshkent vaqti bilan 17-iyul, payshanba kuni 20:00 da Donetsk viloyati hududida halokatga uchradi. Samolyot qulashi natijasida bortdagi barcha 298 kishi halok bo‘lgan.
