LG kompaniyasi o‘zining ilk aqlli soati G Watch’ni taqdim etdi. Bu haqda TechCrunch ma’lumotiga asoslanib “Parol” nashri xabar berdi.
LG G Watch aqlli soatida 1,65 dyuym, 280 × 280 pikselli displey o‘rnatilgan. Soat displeyi doim yoniq tursa ham, uning 400 mA·soat quvvatga ega batareyasi butun kunga yetadi.
Qurilmada 1,2 GGers chastotaga ega Snapdragon 400 protsessori, 512 MB tezkor va 4 Gb ichki xotira mavjud.
Qurilma chang va suv o‘tkazmasligi bo‘yicha sertifikatlangan. U Android operatsion tizimining 4.3 va undan katta versiyalari o‘rnatilgan smartfonlar bilan ishlaydi.
Shuningdek, undan sizga kerakli bo‘lgan ma’lumotlarni so‘rab, bilib olishingiz mumkin. Buning uchun Ok Google – “Qani Google” deyish va savolni so‘rash kerak bo‘ladi.
Soat o‘lchamlari 37,9 × 46,5 × 9.95 millimetrni tashkil etadi. Qurilma bog‘ichining uzunligi esa 22 millimetr. Sotuvda qora va oq rangli turlari bor. Narxi esa 229 dollarni tashkil etadi.
Juda ko‘plab aqlli soatlar orasida LG G Watch’ning uchish yoki qulashini vaqt ko‘rsatadi, kuzatamiz :)
Izoh (0)