Orolbo‘yidagi urologiya muassasalarining ta’minoti uchun 10 million dollar ajratiladi

O‘zbekiston hukumati Yaponiya bilan Orolbo‘yidagi urologiya muassasalarini tibbiy jihozlar bilan ta’minlash bo‘yicha o‘zaro kelishuvga erishdi. Bu haqda “Anhor” xabar berdi.

Vazirlar Mahkamasining 2014-yil 11-iyuldagi 190-sonli Qarorida qayd etilishicha, loyiha doirasida quyidagi ishlar amalga oshiriladi:

• Qoraqalpog‘iston Respublikasi ko‘p sohali markazi hamda Respublika urologiyaga ixtisoslashgan markazining Urganch, Buxoro va Sirdaryodagi filiallarini ta’minlash uchun tibbiy jihozlar va ehtiyot qismlarni yetkazib berish, shuningdek, dastlabki texnik xizmat ko‘rsatish;
• Tibbiy xodimlarni o‘qitish va tajribasini oshirish (shifokorlarga yuqori texnologiya asosidagi tibbiy qurilmalar bilan ishlashni o‘rgatish, tahlil va tashxis bo‘yicha bilimini oshirish, texnik xodimlarni zamonaviy qurilmalardan foydalanishga o‘rgatish).