Mashhurlar Facebook orqali o‘zlarining muxlislari bilan oson bog‘lana olishlari uchun yangi dastur ishlab chiqildi. Bu haqda Mashable ma’lumotiga asoslanib “Parol” nashri xabar berdi.
Dastur Facebook Mentions deb nomlanadi. Dastur orqali mashhur inson muxlislari u haqida nima yozayotganini ko‘rishi hamda ular bilan bog‘lanishi (fikr bildirish, Like bosish yoki Share qilish) mumkin.
Dastur iOS operatsion tizimida ishlaydi. Bu dasturdan faqatgina Verified – “tekshirilgan” sahifa egalari foydalanishi mumkin. Keyinchalik dasturning “tekshirilgan” profillar uchun mo‘ljallangan turi ham chiqariladi.
Bugungi kunda Facebook’dagi mashhur insonlarni 800 milliondan ortiq kishi o‘qiydi. Mashhurlar sahifasi bilan kuniga milliarddan ortiq bog‘lanishlar bo‘ladi.
Hozirda bir nechta mashhur insonlar ushbu dasturdan foydalanishni boshlagan. Facebook’ning qayd etishicha, Mentions dasturidan foydalanishni boshlagan mashhur insonlar muxlislariga ikki barobar ko‘p ma‘lumot yetkazadi.
Izoh (0)