Android emas, Tizen operatsion tizimida ishlaydigan Samsung Z smartfonining taqdimoti o‘tkazilishi haqida avval xabar berilgan edi. Mail.Ru sayti Rossiyada bo‘lib o‘tgan taqdimotda olingan “jonli” suratlarni taqdim etdi. Bu haqda “Parol” nashri xabar berdi.
Suratlarda tilla rangidagi va bronza-tilla rangidagi smartfonlarni ko‘rishingiz mumkin.
Eslatib o‘tamiz, Samsung Z smartfoni 4,8 dyuymli Super AMOLED displey, 2,3 GGs chastotaga ega to‘rt yadroli Qualcomm Snapdragon 800 protsessori, 2 Gb tezkor va 16 Gb ichki xotira (+MicroSD), 2,1 megapikselli old va 8 megapikselli orqa kameralarga ega.
Shuningdek, akkumulyator quvvati 2600 mA·soatni tashkil etadi. Unda Wi-Fi: 802.11 a/b/g/n MIMO(2×2), GPS / GLONASS, Bluetooth 4.0 BLE va NFC, xattoki IK-port ham mavjud.
Smartfon yurak urishini hisoblovchi datchik va barmoq izi skaneri bilan jihozlangan. Uning o‘lchamlari 138,2 × 69,8 × 8,5 millimetrni, og‘irligi esa 136 grammni tashkil etadi.
Qurilmada Android’ga nisbatan tezroq ishlaydigan, bir vaqtning o‘zida ko‘p funksiyalardan foydalanish mumkin bo‘lgan va kamroq energiya sarflaydigan Tizen 2.2.1 operatsion tizimi o‘rnatilgan.
Izoh (0)