Android эмас, Tizen операцион тизимида ишлайдиган Samsung Z смартфонининг тақдимоти ўтказилиши ҳақида аввал хабар берилган эди. Mail.Ru сайти Россияда бўлиб ўтган тақдимотда олинган «жонли» суратларни тақдим этди. Бу ҳақда «Парол» нашри хабар берди.
Суратларда тилла рангидаги ва бронза-тилла рангидаги смартфонларни кўришингиз мумкин.
Эслатиб ўтамиз, Samsung Z смартфони 4,8 дюймли Super AMOLED дисплей, 2,3 ГГц частотага эга тўрт ядроли Qualcomm Snapdragon 800 процессори, 2 Гб тезкор ва 16 Гб ички хотира (+MicroSD), 2,1 мегапикселли олд ва 8 мегапикселли орқа камераларга эга.
Шунингдек, аккумулятор қуввати 2600 мА·соатни ташкил этади. Унда Wi-Fi: 802.11 a/b/g/n MIMO(2×2), GPS / ГЛОНАСС, Bluetooth 4.0 BLE va NFC, хаттоки ИК-порт ҳам мавжуд.
Смартфон юрак уришини ҳисобловчи датчик ва бармоқ изи сканери билан жиҳозланган. Унинг ўлчамлари 138,2 × 69,8 × 8,5 миллиметрни, оғирлиги эса 136 граммни ташкил этади.
Қурилмада Android’га нисбатан тезроқ ишлайдиган, бир вақтнинг ўзида кўп функциялардан фойдаланиш мумкин бўлган ва камроқ энергия сарфлайдиган Tizen 2.2.1 операцион тизими ўрнатилган.
Изоҳ (0)