Argentina va Gollandiya terma jamoalari o‘rtasida kechgan jahon chempionati yarim final uchrashuvi kecha o‘tkazilgan Braziliya — Germaniya qarama-qarshiligidan ancha farq qildi. Eng asosiy farq shundaki, bu safargi yarim finalda asosiy vaqtda birorta ham gol kiritilmadi, deb yozadi Uff.uz.
Uchrashuvning birinchi bo‘limida Argentina terma jamoasi ancha ustunlikka ega bo‘ldi. Ammo Lionel Messi jamoadoshlari bilan birgalikda bu ustunlikdan foydalana olmadi. Ikkinchi bo‘lim esa teng kurashlar ostida kechdi. Shu bilan birga o‘yin ancha zerikarli ko‘rinish olganini ham ta’kidlash lozim. Asosiy vaqtning so‘nggi daqiqasida Aren Robben barchasiga nuqta qo‘yishi mumkin edi. Ammo birga-bir vaziyatga chiqib borgan yarim himoyachi so‘nggi zarbani berishga jur’at eta olmadi va hayallab qoldi. Oqibatda Xaver Maskerano uning zarbasi yo‘liga to‘g‘anoq bo‘lishga ulgurdi.
O‘yinning asosiy vaqtiga monand tarzda qo‘shimcha bo‘limlarda ham gol kiritilmadi va uchrashuv taqdiri penaltilar seriyasida hal bo‘ldi. Bu safar Lui van Gal asosiy darvozabon o‘rniga Tim Krulni maydonga tushirishga qaror qilmadi. Umuman, Gollandiya o‘tgan safargi o‘yindan farqli o‘laroq bu safar “omad lotereya”sida mutlaqo ishonchsiz harakat qildi va Argentinaga imkoniyatni boy berdi.
Shu tariqa jahon chempionati finalida Germaniya va Argentina terma jamoalari kuch sinashadigan bo‘ldi.
JCh — 2014
1/2 final
Gollandiya – Argentina 0:0 (penaltilar seriyasi - 2:4)Gollandiya – Silessen, de Vrey, Vlar, Martins Indi (Yanmat, 46), Kyuyt, N. de Yong (Klasi, 62), Veynaldum, Blind, Sneyder, van Persi (Xuntelar, 96), Robben.Argentina – Romero, Sabaleta, Garay, Demichelis, Roxo, Enso Peres (Palasio, 81), Maskerano, Bigliya, Messi, Lavessi (M. Rodriges, 101), Iguain (Aguero, 82).Penaltilar seriyasi: 1:0, 1:1, 2:1, 2:2, 2:3, 2:4.Ogohlantirishlar: Martins Indi (45), Demichelis (49), Xuntelar (105).
Izoh (0)