Jahon chempionati musobaqasining chorak finalidan o‘rin olgan Gollandiya hamda Kosta-Rika terma jamoalari o‘rtasidagi uchrashuv nihoyasiga yetdi. Unda 0:0 hisobidagi durang natija qayd etildi. Bu haqda Uff.uz xabar berdi.
O‘zbekistonlik hakam Ravshan Ermatov boshqarib borgan ushbu o‘yinda qo‘shimcha daqiqalar belgilandi. Tomonlar unda ham darvozaga yo‘l topa olishmadi. Kosta-Rika darvozaboni Navas ajoyib o‘yin ko‘rsatdi.
Gollandiya futbolchilari ko‘plab vaziyatlarni yuzaga keltirishgan bo‘lsa-da, omad yevropaliklardan yuz o‘giraverdi. Sneyderning o‘zida kamida ikki marta golli vaziyatlar bo‘ldi. Robben ham o‘yinni yuksak saviyada o‘tkazdi. Qo‘shimcha vaqtlarda ham darvozalar daxlsizligi saqlanib qolingach, g‘olib nomi penaltilar seriyasida aniqlandi.
Bunda esa, tajriba o‘z so‘zini aytdi. Van Persi, Robben, Sneyder va Kuytlar penaltini aniq ijro etib, o‘z termalarini yarim finalga olib chiqishdi.
Shu o‘rinda alohida ta’kidlagan bo‘lardik, Lui van Gal so‘nggi soniyalarda zaxiradan yangi darvozabon Krulni tushirdi va ushbu posbon ikki to‘pni qaytarishga muvaffaq bo‘ldi.
Shu tariqa Gollandiya termasi yarim finalga yo‘l oldi. Endi ular yarim finalda Argentina bilan o‘zaro hisob-kitob qilishadi.
Jahon chempionati, chorak finalGollandiya – Kosta-Rika 0:0 (0:0, 0:0, 0:0, 0:0), penalti bo‘yicha - 4:3Gollandiya – Silessen (Krul, 120), de Vrey, Vlar, Martins Indi (Xuntelar, 106), Kyuyt, Veynaldum, Blind, Depay (Lens, 76), Sneyder, van Persi, Robben.Kosta-Rika – Navas, Gamboa (Mayri, 79), Gonsales, Umanya, Akosta, Dias, Borxes, Texeda (Kubero, 97), Ruis, Bolanos, Kempbell (Urenya, 66).Penaltilar: 1:0, 1:1, 2:1, 2:2, 3:2, 3:3, 4:3.Ogohlantirishlar: Dias (37), Umanya (52), Martins Indi (64), Gonsales (81), Akosta (107), Xuntelar (111).
Izoh (0)