FIFA rasmiy saytida Jahon chempionati chorak finalining qolgan ikkita o‘yinini boshqarib boradigan hakamlar nomi ma’lum qilindi. Bu haqda UFF.uz xabar berdi.
Unga ko‘ra Gollandiya — Kosta-Rika terma jamoalari o‘rtasidagi o‘yin hamyurtimiz Ravshan Ermatovga ishonib topshirildi.
Bu Ravshan Ermatovning Jahon chempionatlaridagi jami 9-o‘yini bo‘ladi. Braziliyadagi mundialda esa Ermatov boshqaradigan 4-uchrashuv bo‘ladi. Bungacha hamyurtimiz Shveysariya – Ekvador (2:1), Xorvatiya – Meksika (1:3), AQSh – Germaniya (0:1) uchrashuvlarida ishlagan edi.
Argentina – Belgiya terma jamolari o‘rtasidagi o‘yinni esa 42 yoshli italiyalik hakam Nikola Ritssoli boshqarib boradi.
Izoh (0)