Jahon chempionati chorak finalidan o‘rin olgan Braziliya hamda Kolumbiya terma jamoalari o‘rtasidagi o‘yin o‘z nihoyasiga yetdi. Uchrashuvda mundial mezbonlari Kolumbiya ustidan 2:1 hisobida g‘alaba qozonib, yarim finalga yo‘l olishdi. Uff.uz xabar berishicha, dastlab, 7-daqiqada terma jamoa sardori Tiagu Silva gol kiritib, Braziliyani hisobda oldinga olib chiqdi.
69-daqiqada esa David Luiz jarimadan ajoyib zarba yo‘llab, hisobni ishonchli ko‘rinishga olib kelib qo‘ydi. Ammo maydon egalarining bir oz bo‘shashganidan foydalangan kolumbiyaliklar 80-daqiqada hisobni qisqartirishga muvaffaq bo‘lishdi. Xames Rodriges penaltidan to‘p kiritib, Jahon chempionatidagi gollar sonini 6 taga yetkazib oldi. Ammo qolganiga Pakerman shogirdlariga vaqt ham, kuch ham yetmadi. Endilikda Braziliya yarim finalda Germaniyaga qarshi bahs olib boradi.
Braziliya – Kolumbiya 2:1 (1:0, 1:1)Gollar: 1:0 – 7 Silva, 2:0 – 69 David Luiz, 2:1 – 80, penalti Xames.Braziliya – Julio Sezar, Maykon, Silva, David Luiz, Marselo, Paulino (Ernanes, 86), Fernandino, Oskar, Xalk (Ramires, 83), Fred, Neymar (Enrike, 88).Kolumbiya – Ospina, Suniga, Sapata, Yepes, Armero, K. Sanches, Guarin, Kuadrado (Kintero, 80), Xames, Ibarbo (Ramos, 46), Guterres (Bakka, 70).Ogohlantirishlar: Silva (64), Xames (67), Yepes (69), Julio Sezar (78).
Izoh (0)