2014-yilning 23-iyun—6-iyul kunlari Buyuk Britaniya poytaxti London shahrida tennis bo‘yicha “Ulkan toj” turkumiga kiruvchi dunyoning to‘rtta eng yirik musobaqalaridan biri Uimbldon xalqaro turniri o‘tkaziladi. Bu haqda Stadion.uz xabar berdi.
Erkaklar o‘rtasida o‘tkaziladigan yakkalik bahslarining asosiy turida jami 131 nafar sportchi g‘oliblik uchun bahs yuritadi. Ular orasida Denis Istomin ham o‘rin egallagan.
19-iyun kuni erkaklar o‘rtasida o‘tkaziladigan yakkalik bahslariga qur’a tashlash marosimi bo‘lib o‘tdi. Qur’a natijalariga ko‘ra, Denis Istomin birinchi davrada rossiyalik Dmitriy Tursunov bilan kuch sinashadigan bo‘ldi.
Eslatib o‘tamiz, ayni paytda Denis Istomin Buyuk Britaniyaning Istburn shahrida o‘tkazilayotgan xalqaro turnirda ishtirok etmoqda.
Izoh (0)