2014 йилнинг 23 июнь—6 июль кунлари Буюк Британия пойтахти Лондон шаҳрида теннис бўйича «Улкан тож» туркумига кирувчи дунёнинг тўртта энг йирик мусобақаларидан бири Уимблдон халқаро турнири ўтказилади. Бу ҳақда Stadion.uz хабар берди.
Эркаклар ўртасида ўтказиладиган яккалик баҳсларининг асосий турида жами 131 нафар спортчи ғолиблик учун баҳс юритади. Улар орасида Денис Истомин ҳам ўрин эгаллаган.
19 июнь куни эркаклар ўртасида ўтказиладиган яккалик баҳсларига қуръа ташлаш маросими бўлиб ўтди. Қуръа натижаларига кўра, Денис Истомин биринчи даврада россиялик Дмитрий Турсунов билан куч синашадиган бўлди.
Эслатиб ўтамиз, айни пайтда Денис Истомин Буюк Британиянинг Истбурн шаҳрида ўтказилаётган халқаро турнирда иштирок этмоқда.
Изоҳ (0)