Chexiyaning Va Tech WABAG S.r.o kompaniyasi 2015-yilda Farg‘ona neftni qayta ishlash zavodida tozalash inshootlarini rekonstruksiya qiladi. Loyiha qiymati 16 million dolarga teng, deya xabar berdi Gazeta.uz.
“O‘zneftmahsulot” kompaniyasining ma’lum qilishicha, Chexiya kompaniyasi o‘tgan yili e’lon qilingan tenderni yutib olgan. Tanlov shartlariga ko‘ra, g‘olib yiliga 16 million kubometr quvvatga ega tozalash inshootlari uchun muhandislikni va asbob-uskunalar yetkazib berishni amalga oshiradi.
Loyiha amalga oshirilishi natijasida oqova suvlardagi neft mahsulotlari hajmi bir litrga 1 milligramm nisbatda saqlanib turadi. Loyiha bir yilga mo‘ljallangan.
Izoh (0)