Beeline aloqa operatori Samarqand va Jizzax viloyatlari abonentlariga xizmat ko‘rsatayotgan Markaziy hududiy filialning yetti yillik faoliyatini sarhisob qilmoqda. Bu haqda Beeline matbuot xizmati xabar berdi.
— Tarmoqning bir necha bor kengayishidan tashqari, Beeline har ikki viloyatda faoliyat olib borilgan yillarda qator yangi texnologiyalarni joriy qilgan holda, oldinga innovatsion qadam tashladi, — deydi kompaniyaning hududiy rivojlantirish bo‘yicha direktori G‘ulom Ortiqov.
2007-yilda filialning ochilishi bilan birga 3G tarmog‘i deyarli barcha yirik aholi punktlarida ishga tushirildi, abonentlar soni esa 12 marotabaga o‘sdi.
Operatorning Samarqand va Jizzax bozoridagi muvaffaqiyatli ishining yana bir tasdig‘i, korporativ mijozlarning katta sonidir: “Maroqand neftebaza” unitar korxonasi, UzTransGaz unitar korxonasi, “Markazgazta’minot” unitar korxonasi, “UrgGazKarpet” MChJ, “Somontep gilam” qo‘shma korxonasi, “Jizzax akkumulyator zavodi” OAJ kabi hudud iqtisodining yetakchilari va Jizzax viloyatining nafaqa fondi Beeline Business’ning innovatsion xizmatlarini tanladi.
Izoh (0)