To‘rtta bronetransportyorda harakatlanayotgan Ukraina harbiylari 4-may, yakshanba kuni Konstantinovkada blokpostni o‘qqa tutdi va Donetskka qarab ketdi. Bu haqda “ITAR-TASS” xabar berdi.
Xalq askarlari bunday zirhli mashinalarning Novoselovka tumanida ham paydo bo‘lgani, Konstantinovka teleminorasida esa snayperlar ko‘ringanini ta’kidlagan.
Dastlabki taxminlarga ko‘ra, o‘qqa tutilgan blokpostda harbiy bo‘lmagan qurolsiz aholi bo‘lgan.
Shaharning Chernoviy tumanida otishmalar ovozi eshitilayotganini guvohlar ma’lum qilmoqda. Konstantinovkada ko‘chadagi chiroqlar butunlay o‘chirilgan, cherkovlarda bong urilmoqda, sirenalar chalmoqda.
Ayollardan Donetsk xalq respublikasi faollari nazorati ostida bo‘lgan shahar ijroiya qo‘mitasi binosini tark etish so‘ralgan.
2-may kuni Ukraina kuchlari idoralari mamlakat janubi-sharqida aksilterrorchilik operatsiyalarini boshladi, ular federalizatsiya tarafdorlarining norozilik aksiyalarini bosishga qaratilgan. Slavyansk, Kramatorsk shaharlari hamda Donetsk va Lugansk viloyatidagi boshqa shaharlar qarama-qarshilik o‘choqlariga aylandi.
Izoh (0)