Respublikachi senator Jon Makkeyn Inter telekanali efirida Ukrainaga 100 million dollarlik harbiy ko‘mak berish niyati haqida ma’lum qildi. Bu haqda gazeta.ru xabar berdi.
Uning aytishicha, amerikalik senatorlar guruhi Ukrainaga nafaqat moliyaviy yordam, balki “Rossiya tajovuziga qarshi harakat uchun vositalar” taqdim etish huquqini beruvchi qonunni tayyorlamoqda.
“Biz Putinga, agarda Ukraina sharqi yoki janubini egallab olmoqchi bo‘lsa, buning uchun yaxshigina javob berishini tushuntirmoqchimiz”, — deya ta’kidladi senator.
U Rossiyaning nafaqat Ukraina sharqi, balki janubi, Moldova va Pridnestrovyeni ham qo‘shib olish haqida bosh qotirayotganini aytdi. AQShning bunday tajovuzga tayyorligini qayd etib, “Rossiya butunlay izolyatsiya qilinishi”ni ta’kidladi.
“Biz Rossiya o‘z qo‘shinlarini olib chiqib ketishi, Qrim statusini tiklash uchun harakat qilamiz. Biz sizni tashlab qo‘ymaymiz”, — deya o‘z so‘zini yakunladi Jon Makkeyn.
Izoh (0)