Amerika maxsus xizmatining o‘nlab xodimlari AQSh hukumati buyrug‘i bilan Kiyevning yangi hukumatiga jamoatchilik tartibini saqlashning yaroqli tizimini qurish va mamlakat janubi-sharqida zo‘ravonlikni to‘xtatishga yordam bermoqda. Bu haqda “RIA Novosti” xabar berdi.
Germaniyaning Bild nashri ma’lumotlariga ko‘ra, FQB xodimlari Kiyev hukumatiga “uyushgan jinoyatchilik bilan kurash” masalalari bo‘yicha konsultatsiya bermoqda. Ekspertlar guruhi moliyaviy jinoyatlar va go‘yoki, Viktor Yanukovich prezidentligi davrida mamlakatdan chiqarib ketilgan kapitallar bo‘yicha qidiruv bilan shug‘ullanmoqda.
Avvalroq Markaziy razvedka boshqarmasi rahbari Jon Brennan Kiyevga tashrif buyurgan, u bilan muzokaralardan so‘ng Ukraina kuchlari mamlakat janubi-sharqida maxsus operatsiyalar boshlashga qaror qilgan edi.
Biroq Vashingtonning aralashuvini Davlat departamenti va Barak Obama ham inkor qildi. “Bizning yagona manfaatimiz Ukrainaning o‘z qarorlarini o‘zi qabul qila olishidadir”, — dedi prezident. — Yevropa markazidagi bunday tartibsizliklar bizga ham kerak emas”.
Izoh (0)