Ukrainaning Lugansk viloyatidagi harbiy komissariat (“voyenkomat”) federalizatsiya tarafdorlari tomonidan egallab olindi. Bu haqda yakshanba kuni “RIA Novosti” xabar berdi.
Shanba kuni Luganskdagi namoyishchilar harbiy qismlardan biridagi harbiy komissariat binosini nazoratga olishga uringani xabar berilgan edi. Natijada ikki nafar harbiy xodim yaralangan.
Janubi-sharq birlashgan armiyasi qarorgohi vakilining aytishicha esa, namoyishchilarning bir nafari halok bo‘lgan, ikki kishi jarohat olgan.
Keyinroq milliy gvardiya binodan uzoqlashgani xabar berilgan edi.
Mahalliy nashr “Vostochniy variant”ning yozishicha, Luganskda namoyishchilar tomonidan egallangan harbiy komissariatdan askarlar olib chiqib ketilgan, qurollar esa “Berkut” jangchilari ixtiyoriga topshirilgan.
Askarlar qanday olib ketilgani, ularning qanchasi yaralangani noma’lum.
Izoh (0)