Toshkent viloyatining Yangi Toshkent hududiga o‘tadigan ko‘chmas mulk obyektlari soni ochiqlandi

Toshkent viloyatining 20 mingga yaqin ko‘chmas mulk obyektlari Yangi Toshkent hududiga o‘tmoqda. Bu haqda viloyat hokimligi xabar berdi. 

Unga ko‘ra, Toshkent viloyatidan Yangi Toshkent hududiga o‘tayotgan umumiy obyektlar soni 19 723 tani tashkil etmoqda. Shundan:

• turar joylar — 18 773 ta;
• noturar joylar — 891 ta;
• ko‘p qavatli uylar — 52 ta.

Jumladan, Yuqori Chirchiq tumanidan 6 556 ta, Quyi Chirchiq tumanidan 3 167 ta obyekt o‘tkazilmoqda.

2023-yilning noyabr oyida Toshkent shahri tarkibida Yangi Toshkent tumani tashkil etilishi haqida xabar berilgan edi. 

Avvalroq 500 ming aholiga mo‘ljallangan Yangi Toshkent shahri Chirchiq va Qorasuv daryolari oralig‘ida barpo etilishi to‘g‘risida xabar berilgandi. 2023-yilning 18-mart kuni Shavkat Mirziyoyev “Yangi Toshkent” loyihasi qurilishiga tamal toshini qo‘ygan.