Namangan viloyatining Yangiqo‘rg‘on tumanida 43 yoshli erkak shifoxonada o‘zini osib qo‘ydi. Bu haqda Bosh prokuratura matbuot xizmati rahbari Hayot Shamsutdinov “Daryo”ga maʼlum qildi.
Xabar berilishicha, 8-aprel kuni soat 00:40 da Chortoq tumani O‘zbekiston ko‘chasida yashagan 1981-yilda tug‘ilgan erkak ko‘p miqdorda spirtli ichimlik taʼsiridan markaziy shifoxonadagi hushyorlantirish bo‘limidagi oyna darchasining temir panjarasiga taglik mato (prostinya)dan sirtmoq yasab, o‘zini o‘zi bo‘yin sohasidan osib, vafot etgan.
Aniqlanishicha, 7-fevral kuni erkak (marhum) turmush o‘rtog‘ining chaqiruviga asosan tuman IIB profilaktika inspektori tomonidan ko‘p miqdorda spirtli ichimlik iste’mol qilib, ko‘p qavatli uy atrofida mast yotganligi sababli hushyorlantirish maqsadida markaziy shifoxonadagi hushyorxonaga olib borilib, u yerga yotqizilgan.
Mazkur holat yuzasidan Yangiqo‘rg‘on tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)