Наманган вилоятининг Янгиқўрғон туманида 43 ёшли эркак шифохонада ўзини осиб қўйди. Бу ҳақда Бош прокуратура матбуот хизмати раҳбари Ҳаёт Шамсутдинов “Дарё”га маълум қилди.
Хабар берилишича, 8 апрель куни соат 00:40 да Чортоқ тумани Ўзбекистон кўчасида яшаган 1981 йилда туғилган эркак кўп миқдорда спиртли ичимлик таъсиридан марказий шифохонадаги ҳушёрлантириш бўлимидаги ойна дарчасининг темир панжарасига таглик мато (простиня)дан сиртмоқ ясаб, ўзини ўзи бўйин соҳасидан осиб, вафот этган.
Аниқланишича, 7 февраль куни эркак (марҳум) турмуш ўртоғининг чақирувига асосан туман ИИБ профилактика инспектори томонидан кўп миқдорда спиртли ичимлик истеъмол қилиб, кўп қаватли уй атрофида маст ётганлиги сабабли ҳушёрлантириш мақсадида марказий шифохонадаги ҳушёрхонага олиб борилиб, у ерга ётқизилган.
Мазкур ҳолат юзасидан Янгиқўрғон туман прокуратураси томонидан терговга қадар текширув ҳаракатлари олиб борилмоқда.
Изоҳ (0)