Toshkent viloyati Bo‘ka tumanidagi metan zapravkada bir oyda 1,8 milliard so‘mlik tabiiy gazdan noqonuniy foydalanilgani aniqlandi, deb xabar beradi Bosh prokuratura matbuot xizmati.
Qayd etilishicha, “TRAST M.” MCHJning Bo‘ka tumanida joylashgan AGTKSHda elektron gazni hisobga olish uskunalariga tashqi taʼsir ko‘rsatilgan. Natijada hisoblagichlarning elektron xotira maʼlumotlari yo‘qotilib, tabiiy gazni avtomobillarga siqilgan gaz sifatida sotishi oqibatida 2024-yil 28-fevraldan 28-martga qadar 30 kun davomida 1 milliard 809,3 million so‘mlik 1,27 million metr kub tabiiy gazdan noqonuniy foydalanilgan.
Mazkur holat yuzasidan “TRAST M.” MCHJ rahbariga nisbatan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilgan.
Yanvar o‘rtalarida Sirdaryoda metan zapravka 62 milliard 488 million so‘mlik tabiiy gazdan noqonuniy foydalangani aniqlangan edi. Keyinroq Bosh prokuratura gaz o‘g‘irlangani ortidan ikki kishi ushlanganini ma’lum qilgan. Shuningdek, bir necha kun oldin Toshkent viloyatida gaz zapravka sobiq hisobchisi salkam 1 milliard so‘mni o‘zlashtirgani aniqlangandi.
Izoh (0)